[生活] 黑暗之城:九龍城寨

今晚就係城寨英雄大結局, 唔知大家有無追開. 我就追緊不過唔係每集都睇到, 有時返工比較忙睇唔到. 近幾呢年普遍青少年都鄙視"TVB"D劇集, 我唔係青少年都鄙視  haha...!! 公平D咁講都唔一定所有劇集都咁差, 間唔中有D好好既題材, 不過最後都係拍到套套都好似一9樣咁, 搵到好題材不過倒模式製作. 呢套城寨英雄都係一樣, 以神秘九龍城寨做主要場景, 功夫打鬥為題材, 好似好有新鮮感, 但係節奏上都好似同TVB之前出過D劇集一樣. 一個充滿希望既主角想改變一個地方, 之後遇到某些角色反對佢或者覺得佢無知, 到最後又比主角說服到所有人....等等故事情節. 咁不過城寨英雄都有值得讚既一方面, 例如到目前, 好多主要角色話死就死, 對D角色一D都唔留情, 打鬥場面比以前精彩, 演員方面當然係終極大佬楊老闆"歐瑞偉", 又有型, 又打得!!運功時下下都谷爆衫!!

由細到大都覺得九龍城寨係一個好神秘既地,未去過只係成日搭車經過東正道見到好多牙醫鋪. 咁都有問過下阿媽點解有咁多牙醫鋪, 不過阿媽淨係話D牙醫唔掂全部都無牌. 值到折晒都未入過去. 所以到大個咗, 就想搵D有關九龍城寨既圖書或者電影睇, 睇下當時既情景. 而城寨係一個無和管制既地方, D住宅樓可以亂起, 一層叠一層. 四周圍又有D山寨廠, 衛生就唔需要講, 周地都係垃圾真係污煙瘴氣.

想睇返當時既真實圖片, 我介紹你地可買以下呢本書. City of Darkness: Life in Kowloon Walled City 1993 年出版,上年出咗新版. 由兩個英國人係城寨折之前入城拍攝了大量有關城寨居民,環境,生活,建築,等等圖片. 我呢本係英文版, 新版有中文版.






電影我睇過兩套,第一套就係1982年''城寨出來者''由道演藍乃才,錢小豪, 高飛主演兩兄弟角色. 兩兄弟係城寨長大,由細打架打到大, 周邊都係黃賭毒. 阿哥''高飛''就係舞廰睇場, 細佬''錢小豪''就日日搞事, 打架, 期間得罪咗D唔應該搞既人,等等...戲內都可以睇到小小城寨內既環境.

第二兩係省港奇兵第一集,個故事講一班中國大陸奇兵嚟香港打劫. 戲內最後一場大約10-15分鐘既槍戰係城寨入面到拍. 只可以講係正到爆!! 係城寨D內街, 樓同樓之間走嚟走去, 完全可以睇清楚城寨內真係四通八達.

YouTube 都有D城寨片段: https://youtu.be/x29vVQiV4_o

[影評] 使徒行者''電影版''

使徒行者 電影版

上星期有朋友邀請我去睇使徒行者(電影版), 本來對呢套戲係無興趣. 就係因為早排TVB深夜時段重播使徒行者劇集版, 我同佢間唔中都有睇下所以咪約一齊睇電影版. 本身劇集版以警匪臥底片為主題, 所以電影版都係一樣. 不過兩個故事係無咩關連, 只係某些角色同橋段一樣. 

故事大綱: 女臥底丁小嘉(佘詩曼) 收到一個康氏密碼打出嚟既訊息,一個自稱"Blackjack"既臥底同警察失去咗聯結, 丁小嘉立即報比上司Q Sir (吳鎮宇)了解, 之後就開始要搵出邊個係"Blackjack"目標係藍博文(張家輝) / 邵志朗"少爺"(古天樂). 過程中"Blackjack"約丁小嘉到澳門賭場見面, 而Q Sir發現藍博文同巴西毒販有來往同最期待既覃歡喜如來未死. 到最後大家開始懷疑大家,  猜測邊個係臥底等等....

歡喜哥

其實呢套戲都幾有娛樂性, 有飛車場面, 打鬥動作, 同精彩既槍戰..等等, 當然最正就係有張家輝做主角, 睇佢既演技享受過睇所有動作場面. 巴西個場槍戰都拍幾精彩刺激. 個故事都還可以接受, 因為臥底片來來去去都差唔多. 反而我好鐘意張家輝同古天樂之間既兄弟情描述得有兄弟情深種Feel!! 張家輝本來跟係跟古天樂,後來張家輝扒過咗佢,都當古天樂大佬咁睇.最差就係佘詩曼,佢個角色係完全無功能只不過佢係劇集版既主角, 所以先有佢既出現. 佢既演枝只係局限於TVB個種既演技,係電影裡面係唔掂, 尤其是賭場個一場戲, 值頭係TVB個D橋段加TVB演技,無聊到仆街!! 最後值得一讚就係歡喜哥既出場, 當聽到佢把聲之後感到有種興奮既感覺! 整體我覺得係值得一睇, 不過唔好期望有完美既故仔.  

*電影版主題曲''行者''係由草蜢主唱, 好聽過劇集個首, 可以留意下!!

[影評] 另類超級英雄電影 DEADPOOL

呢部DEADPOOL (惡棍英雄:死侍) 應該係今年2月上演, 不過我到近排先有機會睇.故事係講一個前特前特種部隊僱傭兵患有末期癌症,將自己賣比人做實驗,經過一次實驗,竟然穫得快速全癒既能力同癌症都醫好,不過後果就全身皮膚爛晒同毀容.之後當佢逃離左個實驗室就開始以DEADPOOL追殺搞到佢毀容果個人. 

呢套戲係唔會感受到一般超級英雄戲個種正義感,只係覺得DEADPOOL既幽默同賤格.戲入佢經常坐同一架的土,DEADPOOL竟然提議個司機殺左情敵.其實有時太有正義感,會有D老套.不過有人話DEADPOOL做得唔夠漫畫果個DEADPOOL賤格,我就唔係好清楚因為我無睇過漫畫,我覺得套戲佢已經好入型入格.戲內既動作夠晒暴力同血腥,例如斬斷手噴血,都係一般英雄戲唔會有.

值得一提就係佢D配樂,有好多首歌都好甲,可以一路睇戲一路聽歌,主題曲DEADPOOL RAP一首RAP/HIP HOP歌曲,歌詞夠晒扺死同CHEAP,配合返DEADPOOL. 以下幾首歌都令我對呢部戲有特別深既印象,大家下次睇可以留意一下.

Deadpool Rap TeamHeadKick 🔊🔊''Captain Deadpool ~~~~~ No!!Just Deadpool !!!! 

Angel of the Morning  Juice Newton

Calendar Girl" Neil Sedaka

X Gon' Give It to Ya  DMX

Careless Whisper  George Michael

Mr. Sandman The Chordettes 

第一次寫影評,有待改善!! 

🙏🏻🙏🏻🙏🏻🙏🏻🙏🏻

[漫畫] 鄭健和 - 火龍 1-4

近排和仔本西遊好正, 唔知大家仲記唔記得大約在2005-2006年(殺道行者之前), 佢出過一套短篇漫畫叫做火龍!!

.出過1-4本長篇漫畫共1-4 期,故事未完.

當年因為資金不足,所以停了!

4本/ $90

觀塘綫 交收 ( 有意請留言)

[漫畫] 一個新著龍虎門唔會見到的角色"狂龍"

剛剛出嘅龍虎門珍藏彩色紀念版第161-162期 "狂龍"正式出場, 在舊著龍虎門第927-928期. 我覺得舊著龍虎門王小龍呢個角色到後期都係比人忽略咗.直至到機會一嚟就安排佢死.不過佢死得比一般角色轟烈!!唔係簡簡單單咁死.

龍虎門珍藏彩色紀念版162期內的歷史回顧

在舊著第560-561期王小龍比激光炮射死.以前聽一個睇港漫嘅前輩講話:當時有D讀者唔滿意王小龍嘅死,有D仲寫信扳投訴.所以之後到李高主編時加了"狂龍"呢角色來代替王小龍 ,組成 "龍虎三皇" .

狂龍

我都依家都未睇晒成套舊著龍虎門,所以一路都有買文化傳信嘅龍虎門珍藏彩色紀念版.其實我好期待"狂龍", 想睇下當時係點樣加插呢個角色.

到依家新著龍虎門王小龍咁受歡迎,同吸取過以前嘅教訓,王小龍應該唔會再死,哈哈!!所以狂龍係唔會再出現!!

"之前有個POST係有關王小龍之死"  https://housegoods852.blogspot.hk/2016/01/blog-post.html

龍虎門珍藏彩色紀念版162期

龍虎門珍藏彩色紀念版161期

[漫畫] 火武耀掦 X 雨夜屠夫

其實火武耀揚我睇到5百幾期就停咗!! 好多年無睇,直到今期857期令到我好想睇返,因為個主題真係實在太爆"雨夜屠夫林國魂. 呢期主要係講林國魂想統一江湖!!真係唔知點解一個三十年前雨夜屠夫同江湖可以拉上關係??不過佢都吸引到我睇返,我都想睇下有幾爆!!

[漫畫] 神兵4 (神兵玄奇) 邱福龍 (1-72 完)

創刊號

神兵4 (神兵玄奇) ~ 邱福龍

故事 : 時間為香港七十年代，內容描述主角紀辰天如何由窮小子，誤墜異空間「宇外流化」。其背後牽出「宇外流化」之歷史、千年之誅魔重任等等稀奇古怪之遭遇。

全套 1-72期 ~ $360

觀塘 & 將軍澳綫交收

有意請留言 :)

[生活] 蝙蝠俠對超人：正義曙光 (Batman v Superman: Dawn of Justice) 又一城展覽

#whowillwin

                                          熱切期待  蝙蝠俠對超人：正義曙光 3/24上映
導演: Zack Snyder 之前拍過 Dawn of the Dead /300 / Sucker Punch / Watchman / Superman ~ Man of Steel , 等等電影 (以上的我都有睇過).所以真係好期待佢套新電影.
                                                                 
                                                                   YouTube預告片 

                                        又一城展覽 : 3月3日~4月10日 地點: LG2 , G , UG

呢架新Batmobile好型!!

Ben Affleck 演 Batman

超人就同之前Man of Steel一樣款

神奇女佻(Wonder Woman )就搵以色列女星Gal Godot, 之前拍過Fast & Furious 糸列. 

之前覺得呢副盔甲麻麻地,但係見到實物之後又覺得幾型

iPhone 有隻打鬥Games,不過唔係咁好玩,打羸一關都唔係有好多分,要嬴Batman / Superman 真係有排玩.